Fakulteti i Shkencave të Jetës dhe Mjedisit me kënaqësi njofton për organizimin e suksesshëm të punëtorisë mbi AG-AI (Bujqësia me Inteligjencë Gjeneruese Artificiale). Kjo punëtori u mbajt më 13 Qershor 2024 në Fakultetin Ekonomik, në Prizren, në kuadër të aktivitetit të financuar nga USAID, Partneritetet me Sektorin Privat për Forcimin e Arsimit të Lartë (PSPSHE).

Punëtoria, e cila u udhëhoq nga Dr. Josh Peschel, Profesor i Asociuar dhe Kryetar i Asociuar për Kërkimin dhe Shërbime te Këshillimit në Departamentin e Inxhinierisë Bujqësore dhe Biosistemeve në Universitetin Shtetëror të Iowa-s, kishte për qëllim të prezantonte dhe të zhvillonte aftësitë praktike të pjesëmarrësve në fushën e inteligjencës gjeneruese artificiale pa kode (AI). Gjatë ditës, pjesëmarrësit patën mundësinë të mësonin dhe të aplikonin teknika të ndryshme përmes aktiviteteve të ndryshme mësimore, si:  Hyrje në AI gjeneruese, Inxhinieri e shpejtë, Zhvillimi i produktit dhe zgjidhjes, aktivitete mësimore dhe lidhja me industrinë, Planifikimi i Teknologjisë për Treg, etj. Në përfundim të punëtorisë, pjesëmarrësit ndanë njohuritë dhe aftësitë e reja të fituara dhe morën komente për zhvillimet e tyre.

Në këtë punëtori u certifikuan me sukses nga stafi ynë i rregullt dhe i angazhuar, duke përfshirë:

• Prof. Asoc. Dr. Albana Milaimi
• Prof. Asoc. Dr. Mirvjena Këllezi
• Prof. Asoc. Dr. Faruk Bojaxhi
• Prof. Asoc. Dr. Ylli Kortoçi
• Msc. Fatjona Parallangaj (staf i angazhuar) dhe
• Msc. Besiana Hoxha (staf i angazhuar).

Fakulteti i Shkencave të Jetës dhe Mjedisit shpreh falënderimet më të përzemërta për të gjithë pjesëmarrësit dhe organizatorët e këtij aktiviteti të rëndësishëm. Ne mbetemi të përkushtuar për të sjellë mundësi të reja dhe inovative për zhvillimin profesional të studentëve dhe stafit tonë.