Prezantimi i FSHJM-së në Komunën e Prizrenit u realizua me sukses nga dy profesorë të Fakultetit të Shkencave të Jetës dhe Mjedisit, Prof. Asoc. Dr. Kushtrim Braha dhe Prof. Asoc. Dr. Faruk Bojaxhi, para maturantëve të Gjimnazit “Gjon Buzuku”.

Profesorët theksuan nevojën për të përgatitur specialistë të cilët të jenë të aftë të përballen me sfidat e kohës në mbrojtjen dhe menaxhimin e burimeve natyrore. Ata gjithashtu shpalosën mundësinë e shkëmbimeve semestrale me universitete të tjera të specializuara, si dhe rëndësinë e praktikave profesionale dhe vizitave studimore në mjedise të ndryshme.

Në fund, profesorët inkurajuan maturantët të kuptojnë potencialin dhe rëndësinë e këtyre drejtimeve për karrierën e tyre të ardhshme, dhe të shfrytëzojnë të gjitha mundësitë për të krijuar një impakt pozitiv si në kujdesin ndaj mjedisit dhe ruajtjen e ekosistemeve të pyjore ashtu edhe në drejtimin agrobiznes në promovimin e teknologjive të reja për prodhimin bujqësor.