Dekanja e Fakultetit të Shkencave të Jetës dhe Mjedisit, Prof. Asoc. Dr. Albana Milaimi së bashku me Prof. Asoc. Dr. Mirvjena Këllezi dhe studenten e diplomuar nga drejtimi Shkenca të Pyjeve dhe Mjedisit Yllka Shehdadi, ishin sot në dy shkollat e mesme të Komunës së Gjakovës, Gjimnazin “Hajdar Dushi” dhe shkollën e Mesme Ekonomike “Kadri Kusari”, për të promovuar para maturantëve dy drejtimet e studimeve Bachelor të cilat janë Shkencat e Pyjeve dhe Mjedisit si dhe Agrobiznes.

Dy drejtimet u mirëpritën shumë me interes nga maturantët e dy shkollave duke qenë kështu si dy drejtime me shumë prespektivë dhe mundësi për zhvillim në karrierë. Dy profesoreshat shpalosën disa nga arsyet që vijimi i studimeve në këto dy drejtime është i vlefshëm, duke përmendur kështu mbështetjen e vazhdueshme nga Ministria e Arsimit përmes programit STEM, aktivitetet me qëllime studimore, pastaj qasjen e studentëve në shumë projekte hulumtuese bashkë me profesorët e deri tek mundësitë e punësimit qoftë ajo punë në sektorin publik apo privat.