Fakulteti i Shkencave të Jetës dhe Mjedisit (FSHJM) në Universiteti “Ukshin Hoti” ka përmbyllur me sukses ciklin e aktiviteteve promovuese në shkollat e mesme të komunës së Prizrenit, me qëllim informimin e maturantëve dhe nxënësve për mundësitë e studimit dhe perspektivat profesionale që ofron fakulteti.

Gjatë këtyre vizitave, profesorët dhe studentët e FSHJM prezantuan programet studimore, kushtet moderne të studimit, laboratorët mësimorë dhe kërkimorë, si dhe mundësitë për angazhim praktik, projekte shkencore dhe bashkëpunime ndërkombëtare. Aktivitetet promovuese u realizuan në këto shkolla të Prizrenit:

• Gjimnazi Shkencor “Gjon Buzuku”
• Gjimnazi Gjuhësor “Remzi Ademaj”
• Shkolla Ekonomike “Ymer Prizreni”
• Shkolla e Mesme Teknike
• Shkolla e Mesme e Mjekësisë

 

Në këto aktivitete morën pjesë stafi akademik i FSHJM:

• Asoc. Dr. Kushtrim Braha
• Asoc. Dr. Mirvjena Këllezi
• Ass. Dr. Kujtim Hameli
• Asoc. Dr. Faruk Bojaxhi dhe
• Asoc. Dr. Ylli Kortoçi

 

Në promovim kontribuuan edhe studentët përfaqësues:

• Anila Trupaj
• Dilara Tabaku

 

Nxënësit u njoftuan me programet studimore të FSHJM:

• Bachelor në Agrobiznes
• Bachelor në Shkencat e Pyjeve dhe Mjedisit
• Master në Menaxhim në Agrobiznes
• Master në Shkencat Pyjore dhe Ekologji Pyjore

 

Gjithashtu u prezantua infrastruktura moderne e fakultetit, përfshirë NaBiLab – Laboratorin e Natyrës dhe Biodiversitetit, si një hapësirë moderne për mësimdhënie, hulumtim dhe aktivitete praktike studentore.

 

FSHJM falënderon drejtoritë e shkollave, stafin arsimor dhe nxënësit për mikpritjen dhe interesimin e treguar gjatë këtyre aktiviteteve.

Fakulteti mbetet i përkushtuar në afrimin e të rinjve me arsimin e lartë cilësor dhe në përgatitjen e profesionistëve të ardhshëm në fushën e jetës, pylltarisë, mjedisit dhe zhvillimit të qëndrueshëm.

 

#FSHJM #UniversitetiUkshinHoti #Prizren #Promovim #StudoNeFSHJM #NaBiLab #Agrobiznes #ShkencatEPyjeve #Mjedisi