Fakulteti i Shkencave të Jetës dhe Mjedisit (FSHJM) në Universiteti “Ukshin Hoti” ka vazhduar me sukses aktivitetet promovuese të programeve studimore edhe në shkollat e mesme të Komunës së Rahovecit.

Në kuadër të këtij aktiviteti, Isuf Lushi, Sadik Maloku dhe Fatlind Bajraktari realizuan prezantimin e programeve studimore të fakultetit në këto institucione arsimore:

SH.M.L. “Xhelal Hajda” – Rahovec
Shkolla Profesionale – Rahovec
SH.L.M. “Ukshin Hoti” – Krushë e Madhe

Gjatë këtyre takimeve, maturantët dhe nxënësit u informuan për mundësitë e studimit në FSHJM, programet akademike, kushtet moderne të studimit, laboratorët mësimorë dhe kërkimorë, si dhe perspektivat profesionale që ofrojnë fushat e jetës dhe mjedisit.

Programet studimore të prezantuara ishin:

• Bachelor nëAgrobiznes
• Bachelor nëShkencat e Pyjeve dhe Mjedisit
• Master në Menaxhim në Agrobiznes
• Master në Shkencat Pyjore dhe Ekologji Pyjore

Nxënësit u njohën gjithashtu me infrastrukturën moderne të fakultetit, përfshirë laboratorët e mjedisit, pylltarisë, biologjisë, kimisë, mikrobiologjisë dhe gjenetikës, si dhe NaBiLab – Laboratorin e Natyrës dhe Biodiversitetit, si hapësirë bashkëkohore për mësimdhënie, hulumtim dhe punë praktike studentore.

FSHJM falënderon drejtuesit e shkollave, stafin arsimor dhe nxënësit e Rahovecit për mikpritjen, bashkëpunimin dhe interesimin e treguar gjatë këtyre aktiviteteve.

Fakulteti mbetet i përkushtuar në afrimin e të rinjve me arsimin e lartë cilësor dhe në përgatitjen e profesionistëve të ardhshëm në fushën e jetës, pylltarisë, mjedisit dhe zhvillimit të qëndrueshëm