Të shtunën më 20 prill, nga ora 13:00, Klubi i Studentëve “TIT” në Fakultetin e Shkencave Kompjuterike në bashkëpunim me Private Sector Partnership to Strengthen Higher Education, ka organizuar mbajtjen e një Paneli të Diskutimit me temë “AI IN TECHNOLOGY / INTELIGJENCA ARTIFICIALE NË TEKNOLOGJI”.

Sot jemi dëshmitarë se si inteligjenca artificiale e ka shumëfishuar peshën e ndikimit të teknologjisë në shoqëri, biznes dhe jetë. Avancimi që sjell ajo për teknologjinë është kurioziteti ynë dhe tema që ne kemi vendosur ta diskutojmë bashkë. Kjo aq më mirë me njohës të fushës, me të cilët do të shpalosim diskutime përplot, do të pyesim për temën dhe interesohemi për të ardhmen e këtij raporti dhe kufijve që ka në glob.

Klubi i Studenteve “TIT” mbajti aktivitetin e radhës në kampusin e Universitetit të Prizrenit, bashkërisht me Private Sector Partnerships to Strengthen Higher Education.

Në panelin e diskutimit me temë “AI IN TECHNOLOGY / INTELIGJENCA ARTIFICIALE NË TEKNOLOGJI”, shkëmbyem mendime rreth benefiteve dhe sfidave nga inteligjenca artificiale dhe dëgjuam perspektivën e ekspertëve të ftuar.