Në kuadër të projektit ALLED2, që ndodhet në fazën përfundimtare të hartimit të kurrikulës për profilin “Teknik i Pylltarisë dhe Mbrojtjes së Mjedisit,” Fakulteti i Shkencave të Jetës dhe Mjedisit mori pjesë në një punëtori dyditore, të organizuar më 22-23 Nëntor 2024 në Istog. Fakulteti u përfaqësua nga Prof. Asoc. Dr. Mirvjena Këllezi, e cila dha një kontribut të rëndësishëm në diskutimet dhe zhvillimet e këtij procesi.

Procesi i hartimit të kësaj kurrikule po realizohet në bashkëpunim të ngushtë me Ministrinë e Arsimit, Shkencës, Teknologjisë dhe Inovacionit, Ministrinë e Bujqësisë, Pylltarisë dhe Zhvillimit Rural, Ministrinë e Mjedisit, si dhe agjencitë përkatëse. Punimet janë udhëhequr nga ekspertët e “D&D Business Support Center.”

Prania e fakultetit tonë në këtë aktivitet dhe në fazat e ardhshme të zbatimit të kurrikulës është konsideruar një kontribut me rëndësi strategjike për zhvillimin e mëtejshëm të këtij profili arsimor, duke ndikuar drejtpërdrejt në fuqizimin e kapaciteteve profesionale në vend.