Më 13 mars 2025, Fakulteti i Shkencave të Jetës dhe Mjedisit (FSHJM) në Universitetin “Ukshin Hoti” Prizren organizoi me sukses seminarin me temën “Qasja ‘One Health’ për Zgjidhjen e Problemeve të Specieve Aliene Invazive dhe Projekti i Turizmit Ekosostenibil”.

Ky seminar, i cili u mbajt në Amfiteatrin e FSHJM-së, kishte për qëllim të theksonte rëndësinë e qasjes “One Health” në menaxhimin e sfidave ekologjike, duke u fokusuar në ndikimin e specieve aliene invazive në biodiversitet dhe ekosistem, si dhe në promovimin e turizmit ekosostenibil.

Pikat kryesore të seminarit ishin:

• Hyrje dhe Fjalime Përshëndetëse: Nga Asoc. Prof. Dr. Mentor Alishani, Rektori i Universitetit, Asoc. Prof. Dr. Albana Milaimi, Dekane e Fakultetit, dhe përfaqësues nga KFOR-i Italian.
• Parimet e “One Health” dhe Speciet Aliene Invazive: Diskutim rreth ndikimit dhe menaxhimit të këtyre specieve në ekosistemet locale nga Major Francesco Cimarelli.
• Turizmi Ekosostenibil dhe Ruajtja e Biodiversitetit: Prezantim mbi rolin e turizmit të qëndrueshëm në mbrojtjen e mjedisit dhe nxitjen e zhvillimit lokal.
• Përmbledhje dhe Konkluzione: Theksimi i ideve kryesore dhe diskutimi për hapat e ardhshëm.
• Shpërndarja e Certifikatave: Njohje për pjesëmarrësit dhe kontribuesit e seminarit.

Ky aktivitet kontribuoi në rritjen e ndërgjegjësimit dhe shkëmbimin e përvojave mes studentëve, stafit akademik dhe pjesëmarrësve të tjerë, duke ndihmuar në zhvillimin profesional dhe promovimin e praktikave më të mira në fushën e shkencave të jetës dhe mjedisit.

Fakulteti i Shkencave të Jetës dhe Mjedisit falënderon të gjithë pjesëmarrësit dhe kontribuesit për angazhimin dhe kontributin e tyre të çmuar në këtë ngjarje të rëndësishme akademike.