Dekanaja e Fakultetit të Shkencave të Jetës dhe Mjedisit (FSHJM) në Universitetin “Ukshin Hoti” në Prizren organizoi një takim me Prof. Curtis Young dhe përfaqësuesit e USAID-it në Kosovë në lidhje me projektin “Private Sector Partnerships to Strengthen Higher Education”. Diskutimi u përqendrua në mundësitë për vazhdimin e projektit përmes trajnimeve për trajnerë të rishikimit të kurrikulës në të dy programet e FSHJM (agrobiznes dhe Shkencat e pyjeve dhe Mjedisit), si dhe për bashkëpunimin mes stafit akademik të FSHJM dhe atij të Universitetit të Iowa State për zhvillimin dhe realizimin e projekteve të përbashkëta. Pas përfundimit të takimit, frymëzimi për këtë projekt ishte evident, duke e parë si një mundësi të madhe për përparimin dhe avancimin e arsimit të lartë në Kosovë.