Universiteti “Ukshin Hoti” Prizren  të martën ka arritur marrëveshje bashkëpunimi me  dy ndërmarrje dhe Shoqatën e Biznesit-Suharekë, janë marr vesh që të thellojnë bashkëpunimin në identifikimin e iniciativave për promovimin dhe mbështetjen ne kryerja e praktikës profesionale për Studentët e nivelit bachelor dhe master në Fakultetin e Shkencave të Jetës dhe Mjedisit në Universitetin “Ukshin Hoti” Prizren  të përfaqësuar nga Prof. Asoc. Dr. Samedin Krrabaj Rektor, përfaqësuesin z. Mrsc. Refki Zogaj me detyrë Drejtor i kompanive dhe Shoqatës së Biznesit dhe përfaqësuesin e Fakultetit të Shkencave të Jetës dhe Mjedisit Prof. Asoc. Dr. Isuf Lushi, Dekan.

 

Marrëveshja ka për qëllim, nxitjen, mbështetjen dhe realizimin e projekteve të përbashkëta kërkimore dhe formuese; Nxitjen, mbështetjen dhe realizimin e veprimtarive të tjera shkencore (konferenca, seminare e botime në fusha me interes të dyanshëm); Bashkëpunimin në organizimin e aktiviteteve dhe/ose projekteve rajonale dhe ndërkombëtare me interes të përbashkët; Shkëmbimin e eksperiencave, praktikave dhe ekspertëve; Zhvillimin e programeve hulumtuese, projekteve kërkimore-shkencore; Organizimin e përbashkët të konferencave, trajnimeve, seminareve dhe bashkëpunimeve të tjera profesionale; Organizimin  e përbashkët të panairit të karrierës në lokacionin e Universitetit; Organizimin e vizitave studimore  brenda dhe jashtë vendit; Mbështetje në kuadër te Bordit Këshillëdhënës Industrial, etj.

Palët do të angazhohen edhe në realizimin e praktikës profesionale të studentit, duke u ndalur veçanërisht në përfitimet e realizuara prej tij dhe në sugjerimet për fakultetin me qëllim përmirësimin e praktikës së studentëve të tjerë në të ardhmen.

Vlen të theksohet se prezent ishte edhe Prof. Ass. Dr. Sadik Maloku, i cili po ashtu ka dhënë kontribut të rëndësishëm në arritjen e këtij bashkëpunimi.