Qëllimi i këtij programi është që të përgadisë specialistë me formim të thelluar teorik dhe profesional, të aftë të mirë-orientohen në fushat e agrobiznesit, të njohin aspektet menaxheriale dhe kuadrin rregullator të sektorit të Agrobiznesit.
Përveç kontributit në komunitetin lokal, kombëtar dhe ndërkombëtar ky program studimor poashtu ka për mision të ofrojë edukim cilësor dhe të avancojë njohuritë dhe shkathtësitë praktike të studentëve. Si rezultat i kësaj studentët do mund të zhvillojnë aftësinë e mendimit kritik dhe kreativ, inovativ dhe interaktiv në zgjedhjen e problemeve të ndryshme dhe krijimin e kompetencave për vendimmarrje. Duke u bazuar në kurrikulën e këtij pogrami që në vete përfshinë lëndë nga shumë fusha të Agrobiznesit (shih. kurrikulën e programit), po ashtu, duke u bazuar në një literaturë të mjaftueshme analitike, hulumtuese dhe të përshtatshme si rrjedhojë e punës kërkimore-shkencore, synojmë që studentët tanë të jenë lider në fushën e Agrobiznesit. Ndjekja e studimeve të ciklit të parë në nivelin Baçelor në profilin “Agrobiznes”, do t’ju japë atyre një mundësi më shumë për të gjetur veten të përfshirë në sipërmarrjen dhe menaxhimin e aktiviteteve të Agrobiznesit. Kërkesat për të studiuar janë në rritje, pasi në përgjithësi, Agrobiznesi është perspektiva bazë e zhvillimit ekonomik në vendet në zhvillim siç është edhe rasti i Kosovës.
Programi i studimeve Baçelor “Agrobiznes” është program trevjeçar i studimeve dhe përfshinë 6 semestra me gjithsej 180 ECTS. Në semestrin e fundit (shih. Semestri i VI-të) studentët do të vijojnë praktikën profesionale gjatë gjithë semestrit dhe për pjesën praktike do të mbështeten vazhdimisht nga ndërmarrjet publiko-private të përfaqësuara nga anëtarët e Bordit Këshillëdhënës Industrial (tutje referuar si BKI) (Shtojca 2.1.2.) të FSHJM-së dhe jo vetëm. Të diplomuarit në këtë program studimesh do të mund t’i përgjigjen mjaft mirë nevojave të vendit, veçanërisht të zonave rurale dhe sistemit të Agrobiznesit në mënyrë që shfrytëzimi i burimeve natyrore të jetë sa më efikas. Duke marrë formimin e nevojshëm në fushën e menaxhimit të Agrobiznesit, ata (të diplomuarit) do të jenë promotorë dhe një potencial mjaft i mirë në dobi të organizimit të bizneseve të reja në sektorin e Agrobiznesit dhe menaxhimit efikas të këtij sektori, por dhe jo vetëm; zhvillimit të qëndrueshëm të zonave rurale; si dhe orientimit të zhvillimit të sipërmarrjeve bujqësore drejt mirëfunksionalitetit të tyre. Gjithashtu, si qëllim është edhe t’i aftësoj studentët për të vazhduar studimet e tyre në programin e ciklit të dytë – Master.
Analiza e shkurtër e tregut të punës
Në bazë të statistikave zytrare nga ATK (Administrata tatimore e Kosovës), rezulton që në rajonin e Prizrenit ushtrojnë aktivitetin e tyre mbi 300 ndërmarrje të Agrobiznesit, pra të prodhimit të ushqimit dhe ky numër pritet të rritet në të ardhmen, pavarësisht nga efektet e krizës globale, përfshirë këtu edhe atë të industrisë së Agrobiznesit si rezultat i rënies së kërkesës. Ndërmarrjet agrobiznesore janë të shumëllojta dhe mund të përfshijnë gjithë ndërmarrjet që e gjejnë veten në sistemin e Agrobiznesit, si: industritë e ofrimit të inputeve për fermën bujqësore, ferma bujqësore, industritë e përpunimit të produkteve bujqësore, industritë e tregtimit të këtyre produkteve si dhe të gjithë aktorët (bizneset) që bëjnë të mundur lëvizjen e produktit deri tek konsumatori i fundit. Këto ndërmarrje orientohen nga eksperienca, zhvillohen sidomos në zonat që janë relativisht të populluara dhe përqëndrohen më tepër në zona që kanë aktivitet të theksuar të prodhimit bujqësor (rasti i Prizrenit dhe komunave që e rrethojnë).
Vlen të theksohet se ky program nuk ekziston në asnjërën nga universitetet publike dhe private në nivel të Republikës së Kosovës, ndërkohë që nevojat e tregut dhe eksperiencat e vendeve më të zhvilluara dhe të përafërta në aspektin ekonomiko-social me Kosovën (rasti i Shqipërisë) tregon se fusha të tilla studimi janë mjaft të pranishme dhe shumë të kërkuara.
Krahasueshmëria me programet ndërkombëtare dhe këshillimi i jashtëm
Gjatë hartimit të kurrikulës së studimit jemi konsultuar me mjaft programe të universiteteve jashtë vendit që kanë drejtime të ngjashme studimi, si Universiteti Brno, Republika Çeke;Universiteti i Nitrës, Sllovaki; Universiteti Bujqësor i Tiranës, Fakulteti i Ekonomisë dhe Agrobiznesit. Poashtu, është shumë e rëndësishme të theksohet se FSHJM ka themeluar tashmë BKI-në në përbërje të të cilit janë përfaqësuesit e ndërmarrjeve të ndryshme publike dhe private, përfshirë edhe përfaqësuesit e Ministrisë së Bujqësisë, Pylltarisë dhe Zhvillimit Rural; Agjensionin për Zhvillimin e Bujqësisë; Drejtorinë Komunale të Bujqësisë, Pylltarisë dhe Zhvillimit Rural të Prizrenit, ku përmes këshillimit me këtë bord, përveç tjerash ne marrim edhe informacionet për nevojat e tregut të punës për të diplomuarit tanë. Për këtë arsye, konsiderojmë që Universiteti “Ukshin Hoti” në Prizren ka arsye dhe bazën e domosdoshme për ri/akreditimin e programit Agrobiznes, sepse përparësia kryesore e këtij planprogrami të hartuar dhe të propozuar për riakreditim, mbështetet në nevojën e padiskutueshme që ka sistemi i agrobiznesit në rajonin e Prizrenit por edhe në Kosovë për specialistë të kësaj fushe.
Objektivat e programit për të diplomuarit
- Të përfitoj njohuri nga fusha e agrobiznesit dhe fusha e tyre e zgjedhur për hulumtim;
- Të demonstroj njohuri teorike dhe praktike për identifikimin dhe zgjidhjen e problemeve të ndryshme në sektorin e agrobiznesit;
- Të përfitoj njohuri dhe shkathtësi tënëvojshme për punësim në tregun e punës ose vazhdim të studimeve në nivele më të lartastudimore;
- Të përfitoj njohuri të krahasueshme me modelet studimore ndërkombëtare të teorisë dhe praktikës së agrobiznesit;
- Të jetë i aftë të ndërveproj dhe adaptohet në mjedise të ndryshme shoqërore dhe kulturore.
- Të aftësohet për krijimin e start-up të bizneseve në zonat rurale;
- Të aftësohet për menaxhimin e fermave dhe bizneseve bujqësore
