Pyjet janë një hapësirë të veçantë të jetesës, ato ndihmojnë të krijojë ekuilibrin ekologjik dhe, në të njëjtën kohë, të sigurojë popullatën e njeriut me një burim themelor të ripërtritshëm, si dhe përfitimet e shumta jo-materiale. Zhvillimi i qëndrueshëm nuk është e mundur pa profesionistët e pylltarisë. Pothuajse 60% e territorit të Kosovës është e mbuluar me pyje, që është një veçori në Evropë dhe është një mundësi e shkëlqyer për zhvillimin, që nga burimet e rralla natyrore dhe deri te menaxhimi i qëndrueshëm i tyre. Programi i studimit kualifikon studentët për të punuar në ekosistemet pyjore në përputhje me parimet moderne të afërta me natyrën, dhe menaxhimin e qëndrueshëm. Një skemë e tillë kërkon lidhjen mes shkencave ekologjike, ekonomike dhe teknike. Ajo kërkon njohuri të ekosistemeve pyjore, aspektet sociale të menaxhimit të pyjeve, teknikat e ndryshme dhe teknologjit e përdorura në menaxhimin e pyjeve dhe njohja me mjete moderne metodologjike. Një avantazh i programit të studimit është veçantia mbi praktikën individuale dhe punës në ambient.
Universiteti Ukshin Hoti ka bazën e domosdoshme për hartim dhe realizimin e planit mësimor, sepse përparësia e kryesore e këtij plan programit të hartuar dhe i propozuar për akreditim, mbështet në trendët e zhvillimit bashkëkohorë të fushës së shkencave pyjore, ndërsa pozita gjeografike që ka regjioni i Prizren për shkak se është afër parkut nacional “Malet e Sharrit” e bënë këtë program edhe më të lehtë për të implementuar në praktikë në njërën anë, ndërsa në anën tjetër është edhe program i veçantë studimor ngase asnjë Universitet tjetër në Kosovë nuk ofron program studimor në Shkencat e Pyjeve.
Të diplomuarit mund të gjejnë punësim në ndërmarrjet e shërbimeve pyjore publike, organizatat për menaxhimin e kafshëve të egra dhe mbrojtjen e natyrës, organizatat ekonomike dhe shkolla (e mesme dhe arsimin e lartë). Gjithnjë e më shumë mundësi janë të siguruara nga vetë-punësimi – sipërmarrës të pavarur (të përpunimit fillestar të drurit, krijimin e pyjeve, tregtimin e drurit, pemëtari, prodhimi drumeve dekorativ, ekoturizmin, agjencitë private këshilluese në pylltari, inxhinieri biologjike, planifikim hapësinor, menaxhimin e zonave malore). Për shkak të sipërfaqeve të mëdha pyjore dhe rëndësinë e tyre në Kosovë, kërkesa për profesionistët pyjore në administratë, dhe në organizata qeveritare dhe jo-qeveritare që merren me mbrojtjen e natyrës, është në rritje.
Një numër i konsiderueshëm i të diplomuarve mund të punësohen edhe në ndërmarrje private, si serra për prodhim komercial (prodhim i pemëve dhe bimëve dekorative), por edhe në laboratorë të lëmisë relevante.
Rezultatet e pritura të mësimit
Pas përfundimit të këtij programi studentët do të jenë të aftë:
- Të kryejnë aktivitetet e zyrtarit të pyjeve, apo bashkëpunëtor profesional në të gjitha aktivitetet pyjore;
- Të punojnë në kryerjen e inventarizimit të pyjeve dhe të marrin pjesë në zbatimin e programit të menaxhimit të pyjeve;
- Të kryejnë të gjitha punët profesionale në terren për kujdesin, revitalizimin dhe mirëmbajtjen e qëndrueshëm të pyjeve;
- Të njihen me pajisjet mekanike, teknikat dhe teknologjitë standarde që aplikohen në pylltari-kryesisht në marrjen e drurëve nga pyjet natyrore, kulturave pyjore dhe plantacionet.
- Të kryejnë punë profesionale për përmirësimin dhe planifikimin e pyjeve në Kosovë, por edhe për të mbrojtur pyjet kundër faktorëve abiotikë dhe biotikë, veçanërisht kundër zjarreve në pyje.
- Të kuptojë dhe zhvillojë aktivitete profesionale të zbatimit të programeve të menaxhimit të kafshëve të egra dhe bimëve, organizimin e gjuetisë bazë.
- Të njihen me teknikat dhe teknologjinë e ndërtimin e rrugëve pyjore, shitjen e asortimenteve drusore, organizimin e prodhimit në pylltari, dhe shëndetin dhe sigurinë në punë në pylltari.
- Të kualifikohen për të kryer punë individuale në ndërmarrjet private dhe si inspektor pyjor, ose për t’u përfshirë në punë ekipore në lidhje me të gjitha detyrat e tjera në pylltari, natyrën dhe mbrojtjen e mjedisit.
- Të përgatiten për të vazhduar zhvillimin e tyre profesional dhe të aftësohen që të vazhdojnë studimet master.
- Me përfundimin e këtij kursi, studentët do të njihen me punën praktike nga fusha e shkencave pyjore dhe mjedisit, etj. Praktika mund të zhvillohet edhe jashtë vendit.
- Praktikat profesionale synojnë edhe shkëmbimin e përvojave të mira dhe rekomandimeve me dobi reciproke: gërshetimi i vlerave nga teoria në praktikë, mundësi punësimi, etj.).
Qëllimi kryesor i yni është që t’ju mundësojmë studentëve vizita studimore në universitetet partnere e sidomos në Universitetin e Ljubljanës, Universitetin Politeknik në Ankona dhe atë Bujqësor të Tiranës meqë edhe kemi marrëveshje bashkëpunimi me këto universitete për këtë profil studimor. Gjithashtu studentët do të kenë mundësi për vizita studimore praktike edhe në Ministrinë e Bujqësisë, Agjencionin e Pyjeve të Kosovës, Drejtoritë e Parqeve Nacionale, Komunat, NGO “FINCH”, dhe ne kordinim me Bordin Këshillëdhënës Industrial (BKI), me komunitetin e biznesit, OJQ, institucionet qeveritare, shoqërinë civile, studentët do të kenë mundësi për praktikë profesionale, punësim, projekte të përbashketa, trajnime shërbime këshillimore etj.
Në të ardhmen pritet që në bashkëpunim me mësimdhënësit me punimet e tyre të marrin pjesë në konferenca të ndryshme dhe të botohen nëpër revistat shkencore kombëtare dhe ato ndërkombëtare.
Mësimdhënësit e programit Shkencat e Pyjeve dhe Mjedisit, në formë individuale zhvillojnë hulumtime të ndryshme shkencore nga fushat e tyre studimore, pra edhe në fushën e pylltarisë. Këto hulumtime kryesisht synojnë arritjen dhe prezantimin e rezultateve shkencore nga fushat e studimit të tyre të cilat kohë pas kohe prezentohen në konferenca dhe takime tjera shkencore në vend dhe jashtë vendit.